B. Empiema anatomo-topoqrafik baxımdan irinin mövcud (hazır)epitellə örtülü boşluqlara toplanmasıdır.Digər cavablar irinin anatomik (təbii) boşluqlara toplanmasını xarakterizə etmir.

A. Abses zamanı toxuma daxilində irinli- nekrotik ocaq piogen kapsula ilə izolə olunaraq ətraf toxumalardan ayrılır. Digər variantlarda isə irinli- nekrotik ocaq piogen kapsula ilə əhatə olunmur və ona görə də məhdudlaşmır.

A. İrinli plevritin nozoloji səbəbinin ən çox pnevmoniya olması və bronx- ağciyər sistemində digər mikroblara nisbətən aerob və anaerob bakteriyaların assoisasiyasının üstünlük təşkil etməsi nəzərə alınarsa, bu düzgün cavab hesab edilir.

A. İrinli plevritin səbəblər arasında pnevmoniya 60%, əməliyyat 20%, travma 10%, digər səbəblər isə 10% təşkil edir.

A. Sirroz zamanı adətən transudativ xarakterli plevral maye rastlanır. Ağciyərin, diafraqmaaltı sahənin iltihabi, infeksiyon və onkoloji xəstəlikləri isə eksudativ xarakterli plevral mayenin yaranmaasına səbəb olurlar.

A. Eksudat və transudatı fərqləndirən önəmli göstərici tərkibindəki zülalın miqdarıdır (transudatda <3 q/dl, eksudatda isə >3 q/dl). Bununla yanaşı mayenin rəngi, özlülüyü, leykosit miqdarı da differensiasiyada rol oynayır. Həm eksudativ həm də transudativ plevritdə plevra boşluğuna yığılan mayenin miqdarı eyni və ya müxtəlif ola bilər.

A. Göstərilən əlamətlər arasında plevral mayeyə ən çox şübhə yaradan ağciyər küylərinin eşidilməməsidir. Plevra boşluğunda olan maye ağciyərlə döş qəfəsi divarı arasında sədd təşkil etdiyi üçün tənəffüs küyləri eşidilmir.

A. İrinli plevritdə plevra boşluğuna ilk 24-48 saatda seroz maye toplanır, sonra (3-7 günlər) üzərinə fibrin tellərinin çökməsi nəticəsində fibrinoz mərhələ, daha sonra isə (7-28 günlər) birləşdirici toxumanın inkişafı nəticəsində fibrozlaşma gedir.

A. Plevrada mayenin toplanmasını görüntüləmə üsulları göstərir. Həm USM, həm KT, həm də rentgenoloji müayinə plevrada mayenin toplanmasını göstərə bilər. Lakin, az miqdarda maye (300 ml-dən az) rentgenoloji müayinə ilə dəqiq görünmür (qabırğa-diafraqma cibinin üzərinə qarın boşluğu orqanlarının kölgəsi düşdüyünə görə). KT isə bəzi hallarda kölgənin maye və ya kütlə olduğunu fərqləndirə bilmir. Buna görə, plevrada toplanmış mayeni ən dəqiq göstərən üsul USM-dir. Punksiya dəqiq nəticə verməyə bilir. Bronxoskopiya plevrada mayeni göstərmir.

A. Diaqnozun təsdiqi üçün müayinə üsulu sadədən və az invaziv üsuldan başlanılmalı və mürəkkəb daha informativ müayinə üsullarına qədər davam etdirilməlidir. Rentgenoqrafiya döş qəfəsi orqanlarının müayinəsində ilk müayinədir, USM plevrada mayenin olub-olmamasını göstərir, KT ağciyər və digər orqanlarda patologiyanı və plevral mayenin səbəbini yoxlamaq üçün vacibdir, punksiya isə mayenin təbiətini dəqiqləşdirmək üçün icra edilir.

A. Yalnız punksiya edildikdən sonra plevra boşluğundakı mayenin irin olmasına əmin ola bilərik.

A. Torakoskopiya endoskopik müayinə kimi plevra boşluğunun, ağciyər - bronx kompleksinin vəziyyətini vizual qiymətləndirməyə imkan verir.

A. İrinli plevrit zamanı irintörədici bakterial floranın iştirakı ilə əlaqədar turş mühit yaranır. Digər göstəricilər bütün eksudativ plevritlərdə rastlana bilən əlamətlərdir.

A. İrinli plevritin fibrinoz dövründə drenaj borusu fibrinlə tutula bilir. Ona görə də aktiv sorucu drenaj və fibrinolitiklə irriqasiya da tövsiyə edilir.

A. Səbəbi aradan qaldırmaqla yanaşı fibroz toxuma ilə əhatə olunmuş boşluğu ləğv etmək xroniki plevritin ən effektiv müalicəsidir. Torakoplastika döş qəfəsi divarını mobilləşdirərək, dekortikasiya isə ağciyərin genişlənməsinə şərait yaradaraq empiema boşluğunu aradan qaldrmağa imkan verir. Bu mümkün olmadıqda digər üsullar seçilir.

A. Dekortikasiya ağciyər üzərində əmələ gəlmiş fibrotik toxumanın soyulması əməliyyatıdır və ağciyərin elastikliyini bərpa edərək ağciyəri genişləndirmək və boşluğu ləğv etmək məqsədi ilə xroniki empiemalar zamanı tətbiq edilir.