Dərin venaların kəskin trombozu - Özət və Suallar

Özət

Dərin venaların kəskin trombozunun əsas səbəbləri damar divarının, qan axınının və qanın tərkibinin dəyişilikləri ilə bağlıdır: venanın sıxılması, anadangəlmə və qazanılma hiperkoaqulyasion vəziyyətlər. Klinik olaraq bəzən asimptomatik olsalar da, lokal venoz durğunluq əlamətləri (ödem, ağrı, qızartı, şişkinlik), iltihab əlamətləri (subfebril temperatur, taxikardiya), Homan əlaməti ilə büruzə verə bilir. Əsas olaraq ağciyər arteriyası tromboemboliyası, venoz qanqrena kimi fəsadlar verə bilər. Diaqnostikasında dupleks USM, ağciyərin ventilyasion perfuzion skaneri, ağciyərin KT angioqrafiyası, qalxan fleboqrafiya istifadə olunur. Müalicə məqsədilə konservativ (ciddi yataq rejimi, antikoaqulyant və komperssion terapiya) və cərrahi (tromboektomiya, kava-filtr implantasiyası, magistral venaların bağlanması, regionar trombolitik terapiya) üsullar istifadə edilə bilər.

Dərin venaların kəskin trombozu üzrə suallar

N.Y.Bayramov, M.M.Kərimov, Ş.Ə.Məmmədova

Suallar	Cavablar
Səbəbləri nələrdir?	Venanın sıxılması və yaxud qan durğunluğu Anadangəlmə hiperkoaqulyasion vəziyyətlər Qazanılmış hiperkoaqulyasion hallar
Proqnozu nədir?	Venoz qanqrena, ağciyər arteriyasının tromboemboliyası ilə nəticələnə bilir
Klinik əlamətləri nələrdir?	Asimptomatik Lokal venoz durğunluğun əlamətləri: ətrafın şişməsi (ödem); ağrı; qızartı və istilik. Bəzən subfebrilitet və taxikardiya Homan əlaməti
Homan əlaməti nədir?	Pəncəni arxaya bükdükdə baldırda ağrının yaranması və yaxud palpasiya zamanı baldırın ağrılı olması
Diaqnostikasında hansı müayinələrdən istifadə olunur?	Dupleks USM – baldırın dərin vena trombozlarında az həssasdır Ağciyərin ventilyasin-perfuzion skaneri – pulmonar embolizmin təyini Ağciyər KT-angioqrafiyası Qalxan fleboqrafiya
Müalicə üsulları hansılardır?	Konservativ Cərrahi
Konservativ müalicə tədbirləri nələrdir?	Ciddi yataq rejimi – trombun foltasiyası inkar edilənə qədər Antikoaqulyant terapiya Kompression terapiya Rehidratasiya
Cərrahi müalicə üsulları nələrdir?	Cərrahi trombektomiya Aşağı boş venaya infrarenal kava-filtr implantasiyası Magistral venaların bağlanması Radikal tromboektomiya və regionar trombolitik terapiya
Kava-filtr implantasiyasına göstərişlər hansılardır?	iliofemoral və ya iliokaval flotasiya edən tromb (cərrahi əməliyyata əks göstəriş olduqda) müalicə aparılmasına baxmayaraq ağciyər arteriyasının təkrar tromboemboliyası ağciyər arteriyası kötüyünün emboliyası yüksək DVT riski və təcili cərrahi əməliyyata göstərişlər
Kava-filtr implantasiyasının fəsadları nələrdir?	Aşağı boş vena okkluziyası Renal venaların okkluziyası Filtrin trombozu
Diaqnostikada hansı müayinələrdən istifadə edilir?	Rəngli Doppler müayinəsi Angioqrafiya MRT
Müalicə üsulları hansılardır?	Revaskulyarizasiya – ilk seçim Endovaskulyar müalicə Cərrahi müalicə Femoro-distal şuntlama Amputasiya

Damar xəstəlikləri - Özətlər və Suallar Baxış sayı: 10396