Yarımkəskin limfositar tiroidit (Doğuşdan sonraki tiroidit) - Özət

Özət

Bu xəstəlik tirotoksikoz simptomlarının qəflətən meyda­na çıxması, qanda T₃ və T₄ hormonlarının səviyyəsinin yüksəl­mə­si, ¹³¹J-un toxuma tərəfindən udulmasının zəifləməsi, ağrısız diffuz urun inkişafı ilə xarakterizə olunur. Qadınlarda çox vaxt doğuşdan sonra baş verir. Patogenetik cəhətdən xronik lim­fositar tiroiditə oxşardır. Başlanğıc tirotoksik mərhələ 1 aydan 4 aya qədər davam edir. Tirotoksikoz simptomalarının aradan qaldırılması üçün b-adrenoblokatorlara üstünlük verilir. Antitiroid preparatlar is­tifadə edilmir. 25-40% xəstələrdə sonradan hipotiroid mərhələ başlayır və 2-3 aydan artıq davam etmir. Bu mərhələdə köməkçi terapiya L-tiroksinlə aparılır