Özət
Anal çat anus dərisinin cırılmasına deyilir, ağrı, qanaxma, hətta striktur törədə bilir. Anusda ağrı, ağrılı defekasiya, rektal qanaxma, anal dəridə cırılma, sentinel pile (anal çatın distalında kiçik hemorroid düyününü xatırladan qalınlaşmış mukoza) və hipertrofik papillomanın olması çatın olmasını təsdiqləyir. Kəskin formada konservativ müalicə (pəhriz, yüksək lifli qidalar, oturaq vannalar, işlədici dərmanlar, kortizollu məlhəmlər, nitro tərkibli məlhəmlər, botulin toksini (Botox), spazmolitiklər ), xroniki formada cərrahi əməliyyat (anal çatın kəsilib götürülməsi, anal dilatasiya, lateral internal sfinkterotomiya (açıq və qapalı üsulla) göstərişdir.
ANAL ÇAT XƏSTƏLİYİNDƏ DİAQNOSTİK YANAŞMA ÜZRƏ SUALLAR
N.Y. Bayramov, S.S. İmanova
|
Suallar |
Cavablar |
|
Anal çat nədir? |
Anal epiteldə cırılma və ya çatın olmasıdır. |
|
Ən çox rast gəlinən yeri? |
Arxa orta xətt (qan axını nisbətən zəif olan yer). |
|
Anal çatın səbəbi nədir? |
Bərkləşmiş nəcis ifrazı (qəbizlik), sfinkter tonusunun yüksək olması, anal bölgədə xəstəliyin olması (Crohn xəstəliyi). |
|
Simptom və əlamətləri hansılardır? |
Anusda ağrı, ağrılı defekasiya, rektal qanaxma, defekasiyadan sonra tualet kağızı üzərində qan izləri, sentinel tag, anal dəridə cırılma, rektal müayinədə kəskin ağrının olması, sentinel pile, hipertrofik papilla. |
|
"Sentinel pile” nədir? |
Anal çatın distalında kiçik hemorroid düyününü xatırladan qalınlaşmış mukoza. |
|
Xroniki anal çat triadası nədir? |
|
|
Konservativ müalicəsi necədir? |
Oturaq isti vannalar, yumşaldıcılar, yüksək lifliqidalar, anal gigiyena, nitro tərkibli məlhəmlər, Botilin toksini (Botox) |
|
Xronik anal fissurlarda hansı xəstəliyi düşünmək lazımdır? |
Crohn xəstəliyi, anal kanser, seksual yolla keçən xəstəliklər, xoralı kolit, QİÇS |
|
Cərrahi müalicəyə göstəriş nədir? |
Konservativ müalicə effekt verməyən xronik anal çatlar. |
|
Cərrahi seçim nədir? |
Lateral internal sfinkterotomiya. |