Öd yollarının anatomiyası və fiziologiyası - Suallar

Suallar

Cavablar

Öd yollarında “3-lər qaydası” nə deməkdir?

• Öd yolları üç morfo-funksional komponentdən təşkil olunub: axacaqlar, öd kisəsi və Oddi sfinktoru
• Öd yolları üç əsas funksiya yerinə yetirir: ödü qaraciyərdən bağırsağa axıtma,  ödün tərkibini dəyişmə və anbarlama
• Ödün üç əsas əhəmiyyəti var: yağların həzmi, ifrazat və öd epitelini qoruma.

Öd yollarının hansı anatomik strukturları var?

• Qaraciyərdaxili axarlar
• Sağ qaraciyər axacağı
• Sol qaraciyər axacağı
• Ümumi qaraciyər axacağı
• Öd kisəsi
• Kisə axacağı
• Ümumi öd axacağı (xoledox)
• Vater ampulası
• Oddi sfinktoru

Qaraciyərdaxili axarlara hansılar aiddir?

Öd kanalcıqları, seqment axacaqları

Qaraciyərxarici öd yollarına nələr aiddir?

Sağ və sol pay axacaqları, qaraciyər və ümumi öd axarı¸ öd kisəsi və axarı, Vater ampulası və Oddi sfinkteri

Öd yollarının anomaliyaları arasında ən çox rast gələnlər hansılardır?

Seqmentar axacaqların ektopik açılması (38%), paralel kisə axacağı (20%), və kisə arteriyasının variantları (25%).

İntrahepatik axacaqların variasiyaları hansılardır (ektopik açılmalar)?

Huang təsnifatına görə 6 tipi var:

• Tip 1- klassik normal anatomiya (62%)
• Tip 2-  trifikasion (19%)
• Tip 3- sağ arxa axar sol qaraciyər axacağına açılır (11%)
• Tip 4- sağ arxa axar ümumi qaraciyər axarına açılır (6%)
• Tip 5- sağ arxa axar kisə axacağına açılır (2%)
• Tip 6 – nadir rast gələnlər (məsələn IV seqment axarı sağ axacağa açılır)

Kalot üçbucağının sərhədləri hansılardır?

• Kisə axacağı
• Umumi qaraciyər axacağı
• Qaraciyərin visseral səthi

Kalot üçbucağının klinik əhəmiyyəti nədir?

Xolesistektomiya əməliyyatında kisə axarı və arteriyasını dəqiq görmək üçün bu üçbucaq geniş açılmalıdır.

Kalot üçbucağında olan düyünün adı nədir?

Kalot düyünü

Qaraciyərdən birbaşa öd kisəsinə açılan kiçik öd axacaqlarının adı nədir?

Luşka axacaqları

Hansı arteriyanın xolesistektomiya zamanı zədələnmə ehtimalı var?

Sağ qaraciyər arteriyasının, çünki kisə arteriyasına və Kalot üçbucağına çox yaxındır

Öd kisəsi qapağının adı nədir?

Heister spiral qapaq

Öd kisəssinin boynu ?

Kisə axacağa yaxın

“Hartman” cibi nədir?

Öd kisəsi boynunun genişlənməsi